ٹاپ سٹوریز
نگران وزیراعلیٰ بلوچستان کی نامزدگی کا معاملہ پارلیمانی کمیٹی کے سپرد
نگران وزیراعلیٰ بلوچستان کے لیے وزیراعلیٰ عبدالقدوس بزنجو اور اپوزیشن لیڈر ملک اسکندر کاکڑ کے درمیان اتفاق رائے نہ ہوسکا، تین دن کی آئینی مدت ختم ہونے پر معاملہ پارلیمانی پارٹی کے سپرد کیا جائے گا۔
بلوچستان میں نگران وزیر اعلی کی نامزدگی کے لیے وزیراعلیٰ میرعبدالقدوس بزنجو اورقائد حزب اختلاف ملک اسکندر کاکڑ کے درمیان منگل کے روزاسلام آباد میں دوسری ملاقات ہوئی تھی لیکن کسی نام پر اتفاق نہ ہوسکا۔
آئین کے مطابق وزیراعلیٰ اورقائد حزب اختلاف کے پاس نگراں وزیراعلی کی تقرری کا معاملہ طے کرنے کے لیے آج آخری دن ہے اگر وہ آج نگراں وزیر اعلی پر متفق نہیں ہوسکے تو معاملہ پارلیمانی کمیٹی کے پاس جائے گا۔
اسپیکر بلوچستان اسمبلی اب حکومت اور اپوزیشن کے نمائندوں پر مشتمل پارلیمانی کمیٹی تشکیل دیں گے جو نگران وزیراعلیٰ کے لیے مشاورت سے نام تجویز کرے گی۔
اگر پارلیمانی کمیٹی بھی کسی نام پر متفق نہ ہو سکی تو اختیار الیکشن کمیشن کے پاس آ جائے گا جو نگران وزیراعلیٰ نامزد کرے گا۔