زیادتی کی شکار لڑکی کے ماں باپ نے ملزم کو ڈھونڈ کر گولیاں ماردیں

لیہ میں مبینہ گینگ ریپ کا بدلہ کراچی میں لے لیا، کراچی کے علاقے اورنگی ٹائون میں میاں بیوی نے فائرنگ کرکے ایک شخص کو زخمی کردیا.

پولیس نے دونوں میاں بیوی کو گرفتار کرلیا، ملزمان کے مطابق زخمی  باسط نے گزشتہ سال اکتوبر میں اپنے چار ساتھیوں کے ساتھ مل کر جنوبی پنجاب کے شہر لیہ میں انکی بیٹی کا گینگ ریپ کیا تھا.

انہوں نے ملزمان کے خلاف لیہ میں پرچہ درج کرایا اور پولیس نے ملزمان کو گرفتار بھی کیا، تاہم چند ہفتوں بعد ملزمان ضمانت پر رہا ہوگئے اور مرکزی ملزم باسط کراچی آگیا۔

دونوں میاں بیوی نے باسط کو بہانے سے اورنگی کے علاقے مومن آباد میں نالے کے قریب بلایا اور باسط کو ایک گولی خاتون اور دوسری اسکے شوہر نے ماری۔

فائرنگ کے بعد دونوں اسے مردہ سمجھ کر فرار ہوگئے، ملزمان کا کہنا ہے کہ انہوں نے بیٹی کے ساتھ اجتماعی زیادتی کا بدلہ لیا ہے۔