فلم جون کا پریمیئر، جاوید شیخ، نادیہ حسین سمیت فلمی ستاروں کا جھرمٹ

فلم جون کا پریمئیرنیو پلیکس سینما ڈی ایچ اے فیز8میں ہوا،اداکارجاوید شیخ اورماڈل نادیہ حسین سمیت شوبزسے تعلق رکھنے والے افراد شریک ہوئے۔

آج(جمعہ)کو کراچی سمیت ملک بھر کے سینما گھروں پرریلیز ہونے والی ہدایتکاربابرعلی کی فلم جون کا پریمئیرجمعرات کی شب نیوپلیکس سینما،ڈی ایچ اے فیزایٹ میں ہوا۔

جس میں فلم کی کاسٹ میں شامل سلیم معراج،عاشروجاہت ،سلیم معراج ،رومیسہ خان کے علاوہ اداکارجاوید شیخ،اداکارسمیع خان،عرفان موتی والا اورماڈل نادیہ حسین سمیت دیگرشریک ہوئے۔

اس موقع پرفلم کے شوسے قبل ریڈ کارپٹ پرشوبزسے تعلق رکھنے والے افراد نے فوٹوسیشن میں حصہ لیااورفلم کے متعلق اپنے تاثرات دیے۔

اداکارجاوید شیخ کا اس موقع پرکہناتھا کہ انھوں نے فلم کا ٹریلردیکھا اوریہ دیکھ کربہت مسرت ہوئی کہ پاکستان میں فلم میکنگ سے جڑنے والی ٹیمزبہت اچھا کام کررہی ہیں،اس انداز کے کام کودیکھ کر لگ رہا ہے کہ پاکستان کی فلم انڈسٹری واپس اپنے قدموں پرکھڑی ہوگی۔

نادیہ حسین کا  کہناتھا کہ ان کی نیک تمنائیں فلم جون کی پوری ٹیم کے ساتھ ہیں،انھوں نے ایک کمرشل فلم کو بہت ہی خوبصورت انداز میں شوٹ کیا ہے،جس کے ہرمنظرسے انتھک محنت جھلک رہی ہے،یہی بات اس فلم کی کامیابی کی دلیل ہے۔