پاکستان
تمام پاکستانی شجرکاری میں بڑھ چڑھ کر حصہ لیں، وزیراعظم
وزیراعظم شہبازشریف نے وزیراعظم ہاؤس میں پودا لگا کر شجرکاری مہم کا آغاز کردیا۔
اس موقع پر وزیراعظم نے کہا کہ گزشتہ حکومت میں 24کروڑ درخت لگانےکاہدف تھا جسےاب دوگنا کیاجارہا ہے،پاکستان میں جنگلات کا رقبہ صرف 5 فیصد ہے،پاکستان کو موسمیاتی تبدیلی کے اثرات کا سامنا ہے،موسمیاتی تبدیلی کےباعث ملک کو اربوں روپےکانقصان ہوا،موسمیاتی تبدیلیوں کی وجہ سے تقریباً 10 ہزار افراد جاں بحق ہوئے۔
وزیراعظم نے کہا کہ موسمیاتی تبدیلی کےخطرات سے نمٹنے کیلئے آگاہی ضروری ہے،ملک بھر میں ہمیں شجرکاری کرنا ہوگی،تمام پاکستانی شجرکاری مہم میں بڑھ چڑھ کر حصہ لیں۔
وزیراعظم شہبازشریف نے کہا کہ شجرکاری مہم کو پورےملک میں پھیلانےکی کوششیں کرنی چاہئیں۔