وزیراعظم ورلڈ اکنامک فورم میں شرکت کے لیے سعودی عرب روانہ، شہزادہ محمد بن سلمان اور آئی ایم ایف سربراہ سے ملاقاتیں کریں گے

وزیراعظم شہبازشریف عالمی اقتصادی فورم مئیں شرکت کے لیے سعودی عرب روانہ ہوگئے۔

وزیراعظم کی سعودی ولی عہد سے ملاقات شیڈول ہے۔ اس کے علاوہ وزیراعظم کی آئی ایم ایف کی سربراہ  سے ملاقات بھی متوقع ہے۔

وزیر اعظم کے وفد میں وزیرخارجہ  اسحاق ڈار، وزیر خزانہ محمد اورنگزیب اور عطااللہ تارڑ بھی ہیں۔

وزیراعظم عالمی صحت، فنانشل ٹیکنالوجیز، انفارمیشن ٹیکنالوجی، جامع ترقی، علاقائی تعاون، اور عالمی ترقی کے تناظر میں توانائی کے متوازن استعمال کے حوالے سے پاکستان کا مؤقف دنیا کے سامنے رکھیں گے۔

عالمی اقتصادی فورم کے اس خصوصی اجلاس کی سائیڈ لائینز پر وزیراعظم کی اہم عالمی رہنماؤں، عالمی اداروں کے سربراہان اور دیگر اہم شخصیات سے دو طرفہ ملاقاتیں بھی متوقع ہیں۔