پاکستان
پاکستان سے برطانیہ کے لیے براہ راست پروازوں کی بحالی کے امکانات روشن، برطانوی محکمہ ٹرانسپورٹ کے وفد کی یکم اگست کو آمد
پاکستان سے برطانیہ کے لیے براہ راست پروازوں کی بحالی میں پیش رفت،برطانوی محکمہ ٹرانسپورٹ(ڈی ایف ٹی)کا اعلی سطح کا وفد یکم اگست کوپاکستان پہنچےگا۔
ذرائع کے مطابق پاکستان سے برطانیہ کے لیے براہ پروازوں کے تناظرمیں برطانوی ڈی ایف ٹی کا وفد ایوی ایشن سیکیورٹی کے سربراہ پیٹرروبن سن کی سربراہی میں پاکستان آئےگا۔
برطانوی وفد پاکستانی ہوائی اڈوں سے برطانیہ جانے والی پروازوں کے انتظامات اور سیکیورٹی سے متعلق جائزہ لےگا،برطانوی ٹیم ائیرپورٹس پرمسافروں کی چیک ان،سیکورٹی سرچ،امیگریشن اوربورڈنگ سمیت متفرق مراحل کا جائزہ لے گی۔
غیرملکی ٹیم برطانیہ کی جانب سے سول ایوی ایشن اتھارٹی کو تحفے میں دی گئی 2جدید ٹیکنالوجی سے لیس مشینوں کی کارکردگی کا بھی جائزہ لے گی۔
برطانوی محکمہ ٹرانسپورٹ کی ٹیم 4 اگست تک پاکستان کے دورے پر رہے گی،برطانوی محکمہ ٹرانسپورٹ ڈی ایف ٹی ٹیم نے سول ایوی ایشن اتھارٹی کو دورہ پاکستان سے آگاہ کردیا۔
برطانوی محکمہ ٹرانسپورٹ کی ٹیم کی رپورٹ کے بعد پاکستان سے برطانیہ کے لیے براہ راست پروازوں کی بحالی کا امکان ہے۔