پنجاب حکومت نے طلبہ کو آسان شرائط پر الیکٹرک بائیکس کی فراہمی کا پروگرام شروع کردیا

نگران وزیراعلیٰ پنجاب نے طلبا و طالبات کو ای بائیک دینےکے پروگرام کا آغازکردیا

نگران وزیراعلیٰ پنجاب  محسن نقوی نےلاہور میں تقریب سے خطاب کرتے ہوئے کہا کہ ای بائیکس کے لیے صوبہ بھر میں ای رجسٹریشن شروع ہو چکی ہے،لاہور میں آلودگی کے خاتمے کیلئےسب کو اپنا کردارادا کرنا ہوگا،پہلے مرحلے میں بینک آف پنجاب کے تعاون سے 10 ہزار طلبا کو الیکٹرک بائیک دی جائیں گی

نگران وزیراعلیٰ پنجاب نے کہا کہ اسموگ میں کمی کیلئے ماحول دوست اقدام کرنا ہماری مجبوری ہے،پنجاب بھرمیں طلبا و طالبات کو بلاسودآسان شرائط پر الیکٹرک بائیک دی جائیں گی،الیکٹرک رکشے بھی متعارف کرا دیئے گئے ہیں،عوام کو فوری طور پر بلاسود 10 ہزار ای رکشےدیئے جائیں گے۔

نگران وزیراعلیٰ پنجاب نے کہا کہ سیکرٹریٹ اسٹاف کیلئے 2 ہزار ای موٹرسائیکل فراہم کریں گے،خواتین کیلئے بھی ای موٹرسائیکل متعارف کرا رہے ہیں،پنجاب حکومت اب صرف ای موٹر سائیکل خریدے گی۔

محسن نقوی نے کہا کہ ایکسل لوڈ پر عملدرآمد سے شاہراہیں مزید محفوظ ہوں گی،عوام کو بہت بڑی تعداد میں ڈرائیونگ لائسنس جاری کئے جارہے ہیں،نئی فیس شیڈول کا اطلاق 16 جنوری سے ہوگا۔