کھیل
سپین کی فٹبالر کوبغیر رضامندی کوچ کا بوسہ، مزید کھلاڑی خواتین بھی راز کھولنے لگیں
سپین کی سٹار فٹبالر ورلڈ چیمپئن ٹیم کی رکن جینیفر ہرموسو کو کوچ کے بوسے کے بعد خواتین کھلاڑیوں کے ساتھ کوچز کے نامناسب روئیے کے مزید معاملات کھلنے لگے ہیں۔
آسٹریلیا کی سابق ٹریک ورلڈ چیمپیئن جانا پٹمین نے کہا ہے کہ انہیں ان کے ایتھلیٹکس کیریئر کے دوران ایک کوچ نے بوسہ دیا تھا۔
اسپین میں ہسپانوی فٹ بال کے سربراہ لوئس روبیئلز سے اس ان کے نامناسب روئیے پر تفتیش کی جا رہی ہے، انہوں نے ویمنز ورلڈ کپ فائنل میں میڈل تقریب کے دوران کھلاڑی جینی ہرموسو کو ہونٹوں پر بوسہ دیا تھا۔
روبیئلز کے بوسے نے بڑے پیمانے پر ردعمل کو جنم دیا ہے، لیکن ہسپانوی فٹ بال فیڈریشن کی طرف سے کہے جانے کے باوجود روبیئلز نے استعفیٰ دینے سے انکار کیا ہے۔
پٹ مین، 2003 اور 2007 کی خواتین کی عالمی 400 میٹر رکاوٹوں کی چیمپئن، نے کہا کہ روبیئلز کے بوسے نے ایتھلیٹکس میں ان کے وقت کی یادیں تازہ کیں اور دکھایا کہ وقت کیسے بدل گیا ہے۔
پٹ مین، جو اب 40 سال کی ہیں، نے آسٹریلوی براڈکاسٹر اے بی سی کے ایک ٹاک شو میں بتایا، "مجھے ایک کوچ نے نامناسب طریقے سے بوسہ دیا، میرے نہیں، ایک بین الاقوامی کوچ نے جہاں یہ ایک ثقافتی معمول تھا۔”
"اور میں نے واقعی اس کے بارے میں کچھ نہیں سوچا جب تک کہ میں نے ٹیلی ویژن پر اس کا مشاہدہ نہیں کیا۔”
اس وقت ہرموسو سمیت 81 ہسپانوی کھلاڑی اسپین کی فٹ بال فیڈریشن میں قیادت کی تبدیلی تک ہڑتال پر ہیں۔
ہرموسو نے کہا ہے کہ اس واقعے نے اسے "کمزور اور کسی حملے کا شکار ہونے کا احساس دلایا”۔
ہسپانوی فٹ بال کے عظیم اینڈریس انیسٹا نے کہا ہے کہ روبیئلز کے رویے نے خواتین کی ٹیم کی ورلڈ کپ جیت کو ’داغدار‘ کر دیا ہے۔
پٹ مین نے اس کوچ کا نام نہیں لیا جس نے اسے اس وقت چوما تھا جب وہ ایک ایتھلیٹ تھیں۔
پٹمین نے کہا کہ میں نے اس لمحے میں اس پر غور بھی نہیں کیا، میں اسے اچھی طرح جانتی تھی، وہ بہت دوستانہ کوچ تھا، اس لیے میں نے اسے ذاتی طور پر نہیں لیا،اس تناظر میں، اس کا مطلب اس طرح نہیں تھا جو میرے خلاف امتیازی تھا۔
تاہم، آسٹریلوی ایتھلیٹ نے کہا کہ اب وہ خواتین کے ورلڈ کپ کے فائنل کے تناظر میں اس واقعے کو مختلف انداز میں دیکھ رہی ہیں۔
پٹ مین، جو اب ایک ڈاکٹر ہیں، نے کہا کہ پیشہ ور کھلاڑی خواتین کے لیے ایک محفوظ جگہ یقینی بنانے کے لیے بات کرنا ضروری ہے۔
انہوں نے مزید کہا، اگر ہم کھل کر اس روئیے کے خلاف کھڑے نہیں ہوتے تو یہ واقعی عالمی سطح پر خواتین کے لیے ایک بدتمیزی ہے۔