رمضان المبارک میں واسا کی جانب سے پانی کی فراہمی کا شیڈول دے دیا گیا

لاہوریوں کو رمضان المبارک میں پانی کس وقت فراہم کیا جائے گا؟ ایم ڈی واسا غفران احمد کی ہدایات پر رمضان المبارک میں ٹیوب ویل چلانے کے اوقات کار جاری کر دیے گئے۔

رمضان المبارک کے دوران پانی کی فراہمی کا پہلا دورانیہ صبح 3:00سے صبح 5:15 بجے تک ، دوسرا دوانیہ صبح 8:00 بجے سے صبح 10:00 بجے تک ہوگا۔

تیسرا دورانیہ دوپہر 12 بجے سے 2 بجے تک اور آخری دورانیہ شام 5 بجے سے رات 8:45 تک ہوگا۔

ایم ڈی واسا غفران احمد نے تمام ڈائریکٹرز کو ٹیوب ویل ٹائمنگ کے دوران پانی کی بلا تعطل فراہمی کی سخت ہدایات دے دی ہیں۔

ایم ڈی واسا غفران احمد نے عوام الناس کو بھی ٹیوب ویل ٹائمنگ کے دوران گھروں میں پانی محفوظ کرنے کی اپیل کی ہے