پاکستان
ورلڈ بینک نے بلوچستان کے سیلاب متاثرہ علاقوں کے لیے21 کروڑ ڈالر فنانسنگ منظوری دی
عالمی بینک کی طرف سے پاکستان کو بڑا ریلیف ملا ہے۔بلوچستان میں سیلاب سے متاثرہ علاقوں کی بحالی کے لیے عالمی بینک نے 21 کروڑ 30 لاکھ ڈالر فنانسنگ کی منظوری دے دی ہے۔
رقم بلوچستان کےسیلاب متاثرہ علاقوں میں روزگار،ضروری خدمات فراہمی پرخرچ ہوگی، عالمی بینک کے اعلامیہ کے مطابق صوبے کی آبادی کو قدرتی آفات کے خلاف تحفظ فراہم کیا جائے گا،35 ہزار 100 افراد کو گھروں کی تعمیر کیلئے گرانٹ دی جائے گی،بلوچستان میں مجموعی طور پر 27 لاکھ کی متاثرہ آبادی کو فائدہ ہوگا؛
عالمی بینک کے کنٹری ڈائریکٹر ناجے بین ہیسن کا کہنا ہے کہ مالی پیکیج پوسٹ فلڈز بحالی پروگرام کا حصہ ہے، سیلاب سےمتاثرکمیونٹی کی مدد کیلئےصوبائی حکومت کےساتھ ملکرکام کررہےہیں، متاثرہ آبادی کوروزگار، زراعت اورانفرا اسٹرکچرتعمیرمیں مدد دی جارہی ہے۔