ٹاپ سٹوریز
پاکستان میں کوئی جعلی پائلٹ نہیں،180 پائلٹس کے لائسنس بحال، غلام سرور خان نے ملک کو نقصان پہنچایا، سینیٹر سلیم مانڈوی والا
![](https://urduchronicle.com/wp-content/uploads/2023/05/SENATE-SUB-COMMITTEE-AVIATION-01-For-Web-1-1.jpg)
سینیٹ کی قائمہ کمیٹی برائے ایوی ایشن کا اہم اجلاس بدھ کو ہوا جس میں قومی ایئرلائن کے پائلٹس لائسنسز کا معاملہ زیر غور آیا۔اجلاس کی صدارت سینیٹرسلیم مانڈوی والا نے کی۔
اجلاس میں سی اے اے حکام نے پائلٹس کے مشتبہ لائسنسز سے متعلق اپنا جواب جمع کروایا، تحریک انصاف کی حکومت کے دوران 2020ء میں جعلی لائسنس کا اسکینڈل منظرعام پرآیا تھا۔
کراچی میں طیارہ حادثے کی عبوری رپورٹ پیش کرتے ہوئے اس وقت کے وزیر ہوابازی غلام سرور خان نے یہ انکشاف کیا تھا جس کی وجہ سے 262پاکستانی پائلٹس کو مشتبہ قراردے کر پروازیں اڑانے سے روک دیا گیا تھا۔جبکہ پی آئی اے کی پروازوں پر یورپ میں پابندی لگی تھی۔
اس معاملے کی تحقیقات ایف آئی اے نے کی،اپنےایک ویڈیو بیان میں چئیرمین ایوی ایشن سب کمیٹی سلیم مانڈوی والا نے کہا کہ پاکستان میں کوئی پائلٹ جعلی نہیں ہے،جب سابق وزیر غلام سرور نے یہ بات کی، تب بھی کہا تھا کہ یہ درست بات نہیں،اس وقت بھی کہا کوئی جعلی پائلٹ نہیں ہوتا۔
سلیم مانڈوی والا نے کہا کہ سابق وزیرغلام سرورخان کےاقدام سےملک اور ایوی ایشن کو نقصان پہنچا،یا توبندہ پائلٹ ہے یا پھر نہیں ہے،جعلی پائلٹ کوئی نہیں ہوتا۔
سلیم مانڈوی والا نے کہا کہ 180پائلٹس کو بحال کردیاگیا ہے۔کمیٹی باقی 80 پائلٹس کی بحالی کا جائزہ لے رہی ہے،کئی پائلٹس کسی وجہ کے بغیر خوار ہو رہے ہیں۔
سلیم مانڈوی والا نے مزید کہا کہ اگرایسی کوئی شک وشبے والی صورتحال پیدا ہوبھی جائے تواس کے لیے ایگزامنیشن کا ایک پورانظام موجود ہے،اس کا طریقہ ہرریگولیٹر(ائیرلائنز)نے نکالاہوا،جس میں مشتبہ کپتان کا دوبارہ امتحان لیا جاتاہے،اس معاملے کی وجہ سے ائیرلائنزاورپاکستانی کپتانوں کا بہت زیادہ نقصان ہوا۔
-
کھیل10 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
کھیل8 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کالم1 سال ago
اسلام میں عبادت کا تصور
-
تازہ ترین4 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان3 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی
-
ٹاپ سٹوریز1 سال ago
مرزا داغ دہلوی،حسن و عشق کے چرچے،محبت کی گھاتیں، عیش و عشرت کی راتیں
-
لائف سٹائل12 مہینے ago
ثومیہ خان کا نیا گیت ’ میرا لکھاں وچ اک ڈھولا‘ کبڈی ٹیم کپتان شفیق چشتی اور دیدار کی ماڈلنگ
-
ٹاپ سٹوریز1 سال ago
ابن خلدون، عمرانیات سمیت کئی علوم کا بانی، اصلی ’فادر آف اکنامکس‘