راک اینڈ رول میوزک کی ملکہ ٹینا ٹرنر انتقال کر گئیں

راک اینڈ رول میوزک کی راح رواں سمجھی جانے والے مشہور عالم گلوکارہ ٹینا ٹرنر 83 برس کی عمر میں زیورخ، سوئٹزرلینڈ میں انتقال کر گئیں۔ ان کے خاندان نے ان کی موت کی خبر دیتے ہوئے کہا کہ ٹینا ٹرنر کے جانے سے دنیا نے ایک میوزک لیجنڈ اور رول ماڈل کو کھودیا۔اپنی موسیقی اور زندگی کے لیے اپنے بے پناہ جذبے کے ساتھ، اس نے دنیا بھر کے لاکھوں مداحوں کو مسحور کیا اور آنے والے کل کے ستاروں کو متاثر کیا۔

1984 میں اپنے ملٹی پلاٹینم البم "پرائیویٹ ڈانسر” اور نمبر 1 ہٹ، "واٹز لو گوٹ ٹو ڈو ود اٹ” کے ساتھ شاندار واپسی کرنے سے پہلے اس کا سولو کیرئیر برسوں تک ناکام رہا۔

ٹینا ٹرنر کی قابلیت نے اسے "راک ‘این’ رول کی ملکہ” کے درجے پر فائز کیا۔ذاتی زندگی میں اس کی مزاحمت نے ہر جگہ دکھی خواتین کے لیے ہیرو بنا دیا۔

ٹینا ٹرنر کی ذاتی زندگی دکھوں سے بھری تھی، اسے شوہر کی مارپیٹ اور غیرانسانی رویئے کا سامنا تھا لیکن وہ پھر اس چنگل سے آزاد ہوگئی، اس بارے میں بات کرتے ہوئے ٹینا ٹرنر نے ایک بار کہا تھا کہ ایک طویل عرصے تک  مجھے ایسے لگا جیسے میں پھنس گئی ہوں، اس غیر صحت مند صورتحال سے باہر نکلنے کا کوئی راستہ نہیں ہے، جب میں  نے اعتماد اور ہمت کا راستہ اپناتے ہوئے  بدلنا شروع کیا تو اس میں کچھ سال لگے، لیکن آخر کار میں اپنی زندگی کے لیے کھڑا ہونے اور نئے سرے سے آغاز کرنے میں کامیاب ہو گئی۔