عمران پیرزادہ کی فلم، تھرٹی ڈیز، کا ٹریلر اور گانا جاری

امریکا میں جنوبی ایشیا کے اداکاروں کی بنائی گئی فلم دی 30ڈیز کا ٹریلراورگانا، تیری یادیں، ریلیز کردیاگیا۔ فلم کی کہانی بیک وقت ایکشن،سسپنس اورتھرل پرمشتمل ہے۔ فلم کے ڈائریکٹرجولیس جون جبکہ ڈائریکشن ریما کپانی نے دی ہے۔

اسکرپٹ امایا سردارنے لکھا ہے،فلم پروڈکشن بلیک ایگل فلمزاورجادوفلمز کی جانب سے ریلیز کی جائیگی،فلم کی کاسٹ میں پاکستان ٹیلی وژن اورفلم کے معروف ایکٹرعمران پیرزادہ کے علاوہ شعیب سہیل،پوجا گھنیش،چنتیاہولن،ثابت چوہدری،گورپیت سنگھ،سپنا سوری،یاسربشیر اورریما کپانی شامل ہیں،فلم 30ڈیز کو مکمل طورپرامریکا میں شوٹ کیا گیا ہے۔

فلم کو پاکستان اورامریکا میں بیک وقت ریلیز کیا جائےگا،اداکارعمران پیرزادہ کے مطابق فلم کی ٹیم نئی ہونے کے باوجود ان کے کام میں ایک پختگی اورتجربہ جھانکتا ہے،مجھے دلی طورپرخوشی ہوئی کہ نوجوانوں کی ٹیم نے اس فلم کی میکنگ کا بیڑہ اٹھایا،مجھے امید ہے کہ یہ فلم لوگوں کے معیارپرپوری اترے گی۔