ٹاپ سٹوریز
پارلیمنٹ سے منظور کئے گئے دو بل ایوان صدر نہ پہنچے، تحقیقات کے لیے کمیٹی قائم
![](https://urduchronicle.com/wp-content/uploads/2023/07/chairman-senate-1.jpg)
سینیٹ میں قائد ایوان اسحاق ڈار نے حالیہ دہشت گردی کے واقعات پر نگران حکومت سے ان کیمرا اجلاس بلانے کا مطالبہ کردیا۔
سینیٹر شہزاد وسیم کی درخواست پرچیئرمین سینیٹ صادق سنجرانی نے پارلیمنٹ سے منظور بلوں کی گمشدگی سے متعلق وزارت پارلیمانی امور سے رپورٹ طلب کرلی۔
سینیٹ اجلاس چیئرمین سینیٹ صادق سنجرانی کی زیر صدرات شروع ہوا وقفہ سوالات کے دوران وزراء کی عدم حاضری پر سینیٹرز نے برہمی کا اظہار کیا جس پر چیئرمین سینیٹ نے وزیر اعظم کو خط لکھ کر وزراء کی حاضری یقینی بنانے کے احکامات جاری کردیئے۔
سینیٹر اسحاق ڈار کا کہنا تھا کہ جیلوں سے خطرناک قیدیوں کو کس نے چھڑوایا ان کو افغانستان کس نے پہنچایا تمام اسٹیک ہولڈرز کو بلاکر ان کیمراجلاس بلایا جائے۔
سینیٹر رضا ربانی کا کہنا تھا کہ ایک دہشت گردی وہ ہے جو غیر ریاستی عناصر ملکی سیکیورٹی فورسز کے خلاف کر رہے ہیں اور ایک معاشی دہشت گردی ہے جو آئی ایم ایف اور ورلڈ بینک کر رہے ہیں، پناہ گزینوں کی واپسی ایک اہم مسئلہ تھا جو نگران کی ذمے داریوں میں نہیں آتا، اگر سیکیورٹی کا زیادہ مسئلہ تھا تو پارلیمنٹ سے رجوع کیا جاتا۔
سینیٹر شہزاد وسیم نے پارلیمنٹ ہاؤس سے منظور شدہ 2 بل ایوان صدر ارسال کئے جانے کی بجائے گمشدگی پر شدید تحفظات کا اظہار کرتے ہوئے کہا کہ اس حوالے سے ایوان کو باقاعدہ میکنزم بنانے کی ضرورت ہے۔انہوں نے چیئرمین سینٹ سے کہا کہ بل گم ہونے کا نوٹس لیں۔ جس پر چیئرمین سینٹ نے متعلقہ وزارت سے اس بارے میں تحقیقات کر کے رپورٹ پیش کرنے کی ہدایت کر دی۔
سینیٹر زرقا تیمور سہرور کا کہنا تھا کہ پی آئی اے کو اس کے روز ویلٹ جیسے اثاثوں سمیت اونے پونے داموں بیچنے کا پلان بنادیا گیا ہے ۔
سینیٹر کامران مرتضی نے پی آئی اے سے متعلقہ توجہ دلاؤ نوٹس سے متعلق بات کرتے ہوئے کہا کے اس ادارے کو ناکام بنانے کی بھرپور کو شش کی گئی پی ایس او قومی ایئرلائن کو فیول تک نہیں دے رہا۔ سینیٹ اجلاس پیر دن تین بجے تک کے لیے ملتوی کردیا گیا
-
کھیل11 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
کھیل9 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
تازہ ترین3 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
کالم1 سال ago
اسلام میں عبادت کا تصور
-
تازہ ترین5 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان3 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی
-
ٹاپ سٹوریز1 سال ago
مرزا داغ دہلوی،حسن و عشق کے چرچے،محبت کی گھاتیں، عیش و عشرت کی راتیں
-
تازہ ترین4 مہینے ago
پی سی بی نے انٹرنیشنل ٹیموں کے قیام کے لیے عمارت خرید لی