پاکستان
پی آئی اے نجکاری کے خلاف احتجاج پر پیپلز یونٹی کے دو عہدیدار گرفتار
قومی ائیرلائن نجکاری کے خلاف احتجاج کرنے والے پی آئی اے پیپلز یونٹی سی بی اے کے 2 عہدیداروں کو کراچی میں گرفتار کرلیاگیا
پی آئی اے سی بی اے کے خلاف انتظامیہ نے کریک ڈاون کے دوران پی آئی اے پیپلز یونٹی سی بی اے کے 2 عہدیداروں کو کراچی میں گرفتار کرلیا.
پیپلز یونٹی کے نائب صدر ضمیر چاندیو اور سینئر نائب صدر اشرف کو پولیس نے گرفتار کیا،دونوں عہدیداروں کو پولیس نے کراچی پریس کلب کے قریب پی آئی اے بکنگ آفس میں چھاپہ مارکر گرفتار کیا.
پی آئی اے سی بی اے کے عہدیداروں کی گرفتاری کے خلاف ملازمین نے نعرے بازی کی، پی آئی اے انتظامیہ نے 250 سے زائد احتجاج کرنے والے پی آئی اے سی بی اے عہدیداروں اور ملازمین کے ایف آئی آر درج کرائی تھی۔