ہمارا کسی ادارے سے مسئلہ نہیں، شخصیات سے اختلاف ہے،چیف جسٹس ہمارے مقدمات میں بینچ سے الگ ہوں، علی امین گنڈاپور

وزیر اعلیٰ خیبرپختونخوا علی امین گنڈاپور کہتے ہیں کہ موجودہ حکومت کندھوں پر ہے، ہمارا ادارے کے ساتھ کوئی مسئلہ نہیں شخصیات سے اختلاف ہے۔ نواز شریف اور زرداری کے خلاف تھانہ کینٹ میں پہلے سے ایک مقدمہ پڑا ہوا ہے۔خاتون وزیر اعلیٰ کے خلاف مقدمہ درج کرنا ہوا تو وہ بھی ہوگا۔ چیف جسٹس آف پاکستان ہمارے بینچز سے علیحدہ ہوں ۔

نو مئی مقدمہ میں عدالت پیشی کے بعد راولپنڈی جوڈیشل کمپلیکس کے باہر میڈیا سے گفتگو کرتے ہوئے وزیر اعلی علی امین گنڈاپور کا مزید کہنا تھا کہ وفاق جو کام کر رہی ہے وہ آئین اور عدلیہ کے خلاف ہے۔اس ملک میں سزا اور جزا نہیں ہو رہی، ہم عدلیہ کا احترام کرتے ہیں۔ جعلی اور بے بنیاد مقدمات میں بانی پی ٹی آئی جیل میں قید ہیں۔اس قوم کو انصاف کہاں سے ملے گا، ہمارا جلسہ ہوگا، انتظامیہ کو چاہیئے، عدالت اپنے حکم پر عمل درآمد کروائے، مریم نواز ایک خاتون ہے ہم نے لحاظ کیا اور ہمارے کلچر میں یہ نہیں ہے۔ پوری قوم کو پتہ ہے کہ عدلیہ پر دباو ہے، ہم عدلیہ کے ساتھ کھڑے ہیں۔پرویز خٹک نے پارٹی چھوڑی ہے، ڈر کر پشتونوں کی ناک کٹا دی۔ملک کو بار بار توڑا جارہا ہے، ان کو آئین کے آرٹیکل 6 کے تحت سزائے موت دی جائے۔ملک توڑنے والوں کو پھانسی دینی ہوگی، ہمارے ورکرز پر ظلم ہوا ہے۔اے پی سی میں شرکت کا فیصلہ بانی پی ٹی آئی کا فیصلہ ہے۔سب سے پہلے ہمارا مینڈیٹ واپس کیا جائے، ملک میں قانون کی بالادستی ضروری ہے۔عمران خان نے بھوک ہڑتال کی تو پوری قوم بھوک ہڑتال پر جائے گی۔ایپیکس کمیٹی میں عزم استحکام کی بات ہوئی تھی آپریشن کی بات نہیں ہوئی اگر آپریشن کی ضرورت پڑتی ہے تو اتفاق رائے ضروری ہے۔