ارباز خان کی ہونے والی دلہن کون ہیں؟

بالی ووڈ کے مقبول اداکار وفلمساز ارباز خان جلد سہرا سجانے والے ہیں، اداکار 24 دسمبر کو زندگی کی نئی شاہراہ پرقدم رکھیں گے۔

بھارتی میڈیا کے مطابق بھارتی اداکار میک اپ آرٹسٹ شورہ خان کے ساتھ رشتہ ازدواج میں بندھ جائیں گے۔

اس سے قبل اربازخان اورسابقہ گرل فرینڈ جارجیا اینڈریانی کے بریک اَپ کی خبریں سوشل میڈیا پر وائرل تھیں۔

بھارتی میڈیا کے مطابق ارباز خان اور شورہ خان کی شادی کی تقریب ممبئی میں منعقد ہوگی جس میں اس جوڑے کے اہلِ خانہ اور قریبی دوست احباب شرکت کریں گے۔

ارباز خان کی ہونے والی دلہن شورہ خان بالی ووڈ کی مقبول میک اپ آرٹسٹ ہیں۔ دونوں فلم ’پٹنہ شکلا‘ کے سیٹ پرایک دوسرے کو اپنا دل دے بیٹھے تھے۔

ارباز خان کی سابقہ گرل فرینڈ جارجیا اینڈریانی نے بھارتی اداکار سے اپنے بریک اَپ کی تصدیق کی تھی۔

ارباز خان کی پہلی شادی ملائکہ اروڑا سے دسمبر 1998 میں ہوئی تھی جو 19 سال بعد ختم ہوگئی تھی۔ اس جوڑے کا ایک21 سالہ بیٹا ارہان بھی ہے۔