190 ملین پاؤنڈ کیس میں عمران خان کے جسمانی ریمانڈ کا تحریری فیصلہ جاری

احتساب عدالت اسلام آباد نے 190ملین پاؤنڈ سکینڈل میں چیئرمین پی ٹی آئی کے جسمانی ریمانڈ میں توسیع کا تحریری حکم نامہ جاری کردیا۔

جج محمد بشیر نے5صفحات پر مشتمل حکمنانہ جاری کیا۔حکنامہ کے مطابق ڈپٹی پراسیکیوٹرجنرل نیب سردارمظفر عباسی نے مزید10 روزہ جسمانی ریمانڈ کی درخواست دی۔عدالت10کی بجائے4 روزہ جسمانی ریمانڈ منظور کیا۔

حکمنامہ کے مطابق ڈپٹی پراسیکیوٹرجنرل نیب سردارمظفر عباسی نے مزید10 روزہ جسمانی ریمانڈ کی درخواست دی۔نیب نے بتایاعلی ظفر ایڈووکیٹ نیب کی طلبی پر23 نومبر کو نیب دفتر پیش ہوئے۔ نیب نے بتایاعلی ظفرایڈووکیٹ نے متعلقہ ریکارڈ نیب کوفراہم کیا۔نیب نے بتایاعلی ظفر نے24مارچ2021ء کے معائدہ کا ریکارڈ بھی نیب کو فراہم کیا۔

حکمنامہ کے مطابق نیب حکام نےکہا قومی خزانے کو منتقل ہونے والی رقم سے متعلق تفتیش کرناہے۔نیب نے کہاتفتیش کو مکمل کرکے کیس کو حتمی نتیجے تک پہنچا نے مزید ریمانڈ درکارہے۔وکلاء صفائی نے مزید ریمانڈ کی مخالفت کی اور دو لیٹر پیش کیے۔ایک لیٹر6نومبر2019ء کا مشرق بنک سے متعلق ہے۔ وکلاء نے کہاکہ چیئرمین پی ٹی آئی کا رقم منتقلی سے کوئی سروکار نہیں۔وکلاء نے کہاچیئرمین پی ٹی آئی کا240کنال اراضی منتقلی سے بھی کوئی سروکار نہیں ہے۔وکلاء نے کہاچیئرمین پی ٹی آئی نے دوکینسر ہسپتال بنوائے۔تیسرا کراچی میں بن رہاہے۔ نیب حکام نےکہاکہ علی ظفر کی جانب سے فراہم کیے گئے ریکارڈ کی جانچ پڑتال کیلئے ریمانڈ ضروری ہے۔عدالت10کی بجائے4 روزہ جسمانی ریمانڈ منظور کرتی ہے۔چیئرمین پی ٹی آئی کو27نومبر کو دوبارہ عدالت پیش کیاجائے۔