کراچی آرٹس کونسل میں قیدیوں کے فن پاروں کی نمائش کی عوام کی دلچسپی،نمائش میں 25 ستمبر تک توسیع

آرٹس کونسل آف پاکستان کراچی اور سینٹرل جیل کے اشتراک سے قیدی فنکاروں کے فن پاروں پر مبنی آرٹ اینڈ کرافٹس نمائش میں عوام کی بھرپور دلچسپی دیکھتے ہوئے نمائش بروز پیر 25ستمبر تک احمد پرویز آرٹ گیلری میں جاری رہے گی۔

صدر آرٹس کونسل محمد احمد شاہ نے کہاکہ پیر کو نمائش میں رکھے گئے شاہکار تخلیق کرنے والے قیدی ہمارے درمیان موجود ہوں گے تاکہ وہ بتا سکیں کہ انہوں نے کس مہارت سے اپنے فن کا مظاہرہ کیا۔

واضح رہے کہ نمائش کے افتتاح میں پاکستان کی معروف سیاسی و سماجی شخصیات نے شرکت کی جس میں گورنر سندھ کامران خان ٹیسوری، نگراں وفاقی وزیر اطلاعات و نشریات مرتضیٰ سولنگی، اسپیکر سندھ اسمبلی آغا سراج درانی، نگراں صوبائی وزیر داخلہ بریگیڈیئر حارث نواز، سپریٹنڈنٹ جیل خانہ جات حسن سہتو ،پی پی رہنما ناصر حسین شاہ، نگراں صوبائی وزیر ثقافت جنید علی شا ہ و دیگر شامل ہیں۔