کوسٹ گارڈز نے 12 لاکھ ڈالر کی کرسٹل اور آئس پکڑ لی

پاکستان کوسٹ گارڈزنے بلوچستان میں کاروائی کے دوران کار سے کرسٹل اور آئس برآمد کرلی۔

ترجمان کے مطابق پاکستان کوسٹ گارڈز نے اوتھل (بلوچستان) المعراج ہوٹل کے قریب ایک

 مشکوک گاڑی کو رکنے کا اشارہ کرنے پر ملزمان نے گاڑی کی رفتار تیز کرتے ہوئے فرار ہونے کی کوشش کی۔گاڑی کا پیچھا کرنے پر ملزمان گاڑی چھوڑکر فرار ہو گئے۔ گاڑی کی تلاشی لینے پر4.5کلوگرام کرسٹل اور5کلوگرام آئس برآمدہوئی۔

 پکڑی جانے والی منشیات کی عالمی مارکیٹ میں مالیت تقریبا1.23 ملین ڈالرکے لگ بھگ ہے۔واضح رہے کہ پاکستان کوسٹ گارڈز ہر قسم کی اسمگلنگ کی روک تھام کے لیے ہمہ وقت مصروف عمل ہے۔ پاکستان کوسٹ گارڈز ملکی معیشت کو مستحکم کرنے میں اپنا کردار  ادا کر تی رہے گی۔