لیسکو ریجن میں 77 ہزار میٹرز خراب اوسط بل بھجوانے پر صارفین چیخ اٹھے

لیسکو میں خراب ہونیوالے سنگل اور تھری فیز میٹرز کی تعداد 77 ہزار سے تجاوز کر گئی، صارفین کے میٹرز کو تبدیل کرنے کا کام صرف کاغذی ریکارڈ مرتب کرنے تک محدود ہو گیا،ذرائع کے مطابق، کاغذات میں منظوری کے بعد لیسکو کےا سٹورز کو میٹرز کا اجراء نہ کیا جا سکا۔

ذرائع کا کہنا ہے کہ کمپنی کے شعبہ میٹریل مینجمنٹ نے صارفین کے لئے میٹرز جاری کرنے کی منظوری دی لیکن کاغذات میں منظوری کے بعد لیسکو کے سٹورز کو میٹرز کا اجراء نہ کیا جا سکا۔

ذرائع کا کہنا ہے کہ سٹورز کو میٹرز کا اجراء نہ ہونے کی وجہ سے آپریشن ونگ کے دفاتر کو میٹرز نہ مل سکے، میٹرز کی تبدیلی نہ ہونے سے صاردین کو بھاری بھرکم بلز بھجوانے کا سلسلہ جاری ہے۔

ذرائع کا کہنا ہے کہ کمپنی نے گزشتہ سال مئی میں استعمال ہونے والے یونٹس کے مطابق بلز بھجوا دیئے،بیشتر صارفین کو گیارہ ماہ کی اوسط کے مطابق بھی بلز ارسال کر دیئے گئے۔

اوسط اور گزشتہ سال کے یونٹس کے مطابق بلوں کا اجراء صارفین کے لئے مشکلات کا باعث بن گیا۔