ایشز سیریز،بارش کی آنکھ مچولی کے بعد چوتھا روزانگلش بلے بازوں کیلئے کڑا امتحان

ایشز سیریز کے  پہلے  ٹیسٹ میچ  میں عثمان خواجہ کی شاندار بیٹنگ نے انگلش ٹیم کی جیت کے خواب کو چکنا چو ر کر دیا ہے،اوپنر عثمان خواجہ نے 50 سے زائد  اکیلے بیٹنگ کرکے میچ کا پانسہ ہی پلٹ دیا،عثمان خواجہ نے ٹریوس ہیڈ،کیمرون گرین،ایلکس کیری اور کپتان پیٹ کمنز کے ساتھ شراکت داری قائم کی اور کریز کی ایک سائیڈ ڈٹے رہے انہوں نے 321 گیندوں پر 141 رنز اسکور کئے۔

عثمان خواجہ کی شاندار اننگز نے انگلش ٹیم کیلئے مشکلات بڑھا دی ہیں،تیسرے روز کے کھیل کے اختتام سے قبل انگلینڈ کے بلے باز بھی اپنی دو قیمتی وکٹیں وکٹیں گنوا بیٹھے ہیں، کینگرو باؤلرز کی شاندار باؤلنگ  کے سامنے انگلینڈ کے اوپننگ بلے باز بے بس نظر آئے اور اپنی وکٹیں گنوا بیٹھے۔

چوتھے روز کا کھیل اس لئے بھی بہت اہم ہے کیونکہ جہاں انگلش ٹیم اپنی بیز بال تکنیک کو جاری رکھتے ہوئے تیزی سے  رنز اسکور کرنے کی کوشش کرے گی وہیں، ہیزلووڈ، سکاٹ بولینڈ  اور نیتھن لائن بھی انگلش  بیٹرز کی ایک غلطی کے انتظار میں ہونگے۔

واضح رہے کہ ٹیسٹ میں کے چوتھے دن (Same)  پچ پر بیٹنگ کرنا بلے بازوں کیلئے مشکل ہوتا ہے اور کینگر باؤلرز کی جانب سے میچ کے تیسرے دن شاندار گیند بازی کا مظاہرہ کیا گیا۔