پاکستان
کراچی: عائشہ منزل کے علاقے میں آگ سے متاثرہ عمارت کے فلیٹس میں رہائش کی اجازت دے دی گئی
کراچی کے علاقے عائشہ منزل پر آگ سے متاثرہ عمارت میں رہائش کے قابل قرار دے دیا گیا۔
سینئر سپرنٹنڈنٹ آف پولیس (ایس ایس پی) سینٹرل فیصل عبداللّٰہ چاچڑ نے نجی ٹی وی چینل سے گفتگو کرتے ہوئے کہا کہ ٹیکنیکل کمیٹی نے متاثرہ عمارت میں رہائش کی اجازت دے دی ہے۔
ایس ایس پی سینٹرل کا کہنا ہے کہ متاثرہ عمارت کی چاروں منزلیں رہائش کے قابل ہیں، پولیس اور ریسکیو اہلکار رہائشیوں کو ان کے گھر پہنچانے میں مدد کر رہے ہیں۔
عمارت کے رہائشیوں کو ضروری سامان لانے کی اجازت دے دی گئی، فلیٹوں کے مکینوں کو باری باری اندر بھیجا جا رہا ہے، لیڈی پولیس اہلکار اور دیگر حکام بھی ساتھ جا رہے ہیں۔
دوسری جانب آتشزدگی واقعہ کے بعد سندھ بلڈنگ کنٹرول اتھارٹی کے حکام نے متاثرہ عمارت کا دورہ کیا۔
عمارت کے دورے کے بعد ایڈیشنل ڈی جی ایس بی سی اے کا کہنا ہے کہ عمارت کے گراؤنڈ فلور کو نقصان ہوا ہے، لیکن عمارت کے انفرااسٹرکچر کو نقصان نہیں پہنچا ہے، فلیٹس محفوظ ہیں۔
یاد رہے کہ گزشتہ شب عائشہ منزل کے قریب عرشی شاپنگ سینٹر میں خوفناک آتش زدگی کے نتیجے میں 5 افراد جاں بحق ہو گئے تھے جبکہ 1 شخص جھلس کر شدید زخمی ہوا تھا، جس کی حالت تشویشناک بتائی گئی ہے۔
مال میں لگی آگ سے کروڑوں کا سامان جل کر خاکستر ہو گیا، فائر بریگیڈ کی گاڑیوں نے کئی گھنٹے کی جدوجہد کے بعد آگ پر قابو پایا۔
-
کھیل10 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل12 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان5 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی