وزیرآباد حملہ: ایف آر میں رکاوٹ میں نے ڈالی، پرویز الٰہی کا اعتراف

سابق وزیر اعلیٰ پنجاب پرویز الہی نے تسلیم کیا ہے کہ وزیرآباد میں عمران خان پر حملے کی تحقیقات کے دوران فوجی افسر پر مقدمے کے اندراج میں رکاوٹ وہ تھے، ان کا کہنا ہے کہ عدلیہ اور فوج کے خلاف ایف آئی آر نہیں دی جا سکتی۔

ایک نجی ٹی وی چینل کے پروگرام میں پرویز الٰہی سے پوچھا گیا کہ تحقیقات میں کون رکاوٹیں ڈال رہا تھا تو انھوں نے جواب دیا کہ میں نے ہی روکا تھا۔

پرویز الٰہی نے کہا کہ میرا موقف تھا کہا تھا آپ بے شک اپنی مرضی کے لوگ وہاں (تحقیقات کے لیے) لگا دیں، ہمیں کوئی اعتراض نہیں۔ آپ کی اپنی حکومت ہے۔ ہمیں بڑا دُکھ ہے اس بات کا۔

پرویزالٰہی نے مزید وضاحت کی کہ کہ ایسا ہو بھی نہیں سکتا تھا۔ آپ کسی جج کے خلاف ایف آئی آر نہیں دے سکتے، ان کا اپنا ادارہ موجود ہے۔ آپ فوج کے ادارے کے خلاف نہیں دے سکتے۔ چار ماہ کے بعد انھوں نے ہماری حکومت نہ چلنے دی۔ چار ماہ بعد عمران خان کے گھر کیا کِیا اور ہمارے گھر کیا کِیا۔

پرویز الہی نے کہا کہ پرانا وقت چلا گیا ہے، اب نئے دور میں داخل ہو رہے ہیں۔ آپ نے (اداروں کی) ساکھ بنانی ہے۔ اس لیے بڑے تحمل سے چلنا چاہیے۔’آئی ایس پی آر بھی ہمارا اپنا ادارہ ہے، اپنے لوگ ہیں۔ سب سے پہلا کام یہی ہوگا کہ ان کے ساتھ بیٹھیں، ملک کو مضبوط کریں