آسٹریلیا میں پولیس ٹیزر گن کا شکار 95 سالہ خاتون جانبر نہ ہوسکی

آسٹریلیا میں نرسنگ ہوم میں پولیس کی ٹیزر گن کا شکار ہونے والی 95 سالہ خاتون جانبر نہ ہو سکی۔

نیو ساؤتھ ویلز کے نرسنگ ہوم میں مقیم 95 سالہ کلیئر نولینڈ کو ہاتھ میں چاقو ہونے کی اطلاع پر پولیس نے ٹیزر گن سے قابو کرنے کی کوشش کی تھی، ٹیزر گن کے استعمال کے ساتھ ہی کلیئر نولینڈ فرش پر گر گئی تھیں اور ان کی کھوپڑی کی ہڈی ٹوٹ گئی تھی، اس پر انہیں ہسپتال منتقل کیا گیا تھا۔

کلیئر نولینڈ پر ٹیزر گن کا استعمال کرنے والے 33 سالہ کانٹیبل کو نیوساؤتھ ویلز کی پولیس سربراہ نے معطل کردیا ہے۔

کونسل برائے شہری ۤزادی اور معذور افراد کی تنظیموں نے اس واقعہ پر شدید ردعمل کا اظہار کیا تھا۔