جعلی دستاویزات پر بحرین جانے کی کوشش کرنے والا چین کا شہری کراچی ایئرپورٹ سے گرفتار

ایف آئی اے امیگریشن نےجناح ٹرمینل پرکارروائی کے دوران جعلی سفری دستاویزات پر سفر کرنے والے چین کے شہری سمیت دو مسافر گرفتار کرلیے۔

ذرائع کے مطابق چین کا شہری لیو پنگ جعلی سفری دستاویزات پر کراچی سے بحرین جا رہاتھا،اسی پرواز سے اقبال ارشد بھی جعلی سفری دستاویزات پر سفر کر رہا تھا۔

 اقبال ارشدکا تعلق پنجاب کے ضلع منڈی بہائوالدین سے ہے، مسافر لیو پنگ اور اقبال ارشد غیر ملکی ایئر لائن کی پرواز جی ایف 751 سے بحرین جا رہے تھے۔

دونوں مسافروں کے پاس بحرین  کے لئے موجود سفری دستاویزات جعلی ثابت ہونے پر حراست میں لے کر تحقیقات کے لیے ایف آئی اے سیل منتقل کر دیا گیا۔