پاکستان
کراچی فش ہاربر پر کھڑی لانچ میں آگ بھڑک اٹھی، ماہی گیر جھلس گیا
کراچی فش ہاربر میں ساحل پر کھڑی لانچ پر آگ بھڑک اٹھی، آگ لانچ کے انجن میں لگی، آگ کی زد میں آکر لانچ پر موجود لیاقت نامی ماہی گیر جھلس کر شدید زخمی ہوگیا۔
جیٹی پر موجود ماہی گیروں نے اپنی مدد آپ کے تحت آگ پر قابو پایا، ماہی گیروں نے آگ سے جھلسنے والے ماہی گیر کو سول اسپتال برنس وارڈ منتقل کیا، جہاں اسکی حالت تشویشناک بتائی جاتی ہے۔
ڈاکٹروں کے مطابق زخمی شخص نوے فیصد سے زائد جھلس چکا ہے، اسپتال میں ڈاکٹرز اسکی جان بچانے کی کوشش کررہے ہیں، آتشزدگی کے باعث لانچ کو جزوی نقصان پہنچا۔