القادر ٹرسٹ کیس: بشریٰ بی بی کی 23 مئی تک حفاظتی ضمانت منظور، پیشی پر خصوصی انتظامات، عمران خان بھی ساتھ تھے

لاہور ہائیکورٹ نے عمران خان کی اہلیہ بشری بی بی کی القادر ٹرسٹ کیس میں 23 مئی تک حفاظتی منظور کر لی۔

بشریٰ بی بی کی درخواست ضمانت آج ہی دائر ہوئی اور سماعت کے لیے مقرر کر لی گئی، جسٹس سید شہباز علی رضوی اور جسٹس شکیل احمد پر مشتمل ڈویژن بنچ نے درخواست پر سماعت کی۔

بشریٰ بی بی عدالت کے روبرو پیش ہوئیں،عدالت نے بشریٰ بی بی کو 23 مئی تک کی حفاظتی ضمانت دے دی۔ بشریٰ بی بی کی پیشی کے موقع پر خصوصی انتظامات کئے گئے اور لاہور ہائیکورٹ میں سفید چادریں لگا کر ایک راہداری سی بنائی گئی تھی۔

چیئرمین تحریک انصاف عمران خان بھی بشریٰ بی بی کے ساتھ تھے ۔عمران خان اور بشریٰ بی بی کی گاڑی گارڈز کے حصار میں تھی