شوبز
کراچی آرٹس کونسل میں گلوکار وقاص بابر کے ساتھ ایک شام
حمزہ آرٹ پرموٹرز اور آرٹس کونسل کراچی کے اشتراک سے “میوزیکل پروگرام” ایک شام گلوکار وقاص بابر کی ساتھ” پیش کیا گیا۔
میوزیکل نائٹ میں معروف گلوکار وقاص بابر نے اپنی آواز کا جادو جگایا گلوکاروں میں باسط خان، امبر انصاری، نے بھی پرفارم کیا۔
اس موقع پر مہمان خصوصی BGC کے روح رواں معروف بلڈرز سید امتیاز الحق بخاری” نے کہا کہ وقاص بابر نہ صرف ایک اچھا گلوکار ہے بلکہ وہ اچھے اخلاق و کردار کا مالک بھی ہے اور عرصے دراز سے شعبہ میوزک سے وابستہ ہے اچھی آواز یقینا” قدرت کا ایک انمول تحفہ ہے اور وقاص بابر اپنی آواز کا جادو نہ صرف پاکستان بلکہ بیرون ممالک میں بھی پرفارم کرکےوطن عزیز کا نام روشن کرچکے ہیں۔
معروف ہوسٹ علی رضا نے کہا کہ مجھے میوزیکل نائٹ میں آ کر بہت خوشی ہوئی ہے جس میں اچھی اچھی آوازیں سننے کو ملیں۔
میوزیکل پروگرام میں کمپیئرنگ کے فرائض معروف کمپیئر آصف شرمیلانے ادا کیے مہمانوں میں معروف گلوکار مظہرامراوء بندو خان کامیڈین شکیل شاہ اور پرویز صدیقی نے بھی اپنی آواز کا جادو جگایا۔