پی آئی اے کاایک اورفضائی میزبان کینیڈا میں لاپتہ،4خواتین سمیت5 میزبان پہلے لاپتہ ہوئے

پی آئی اے کا ایک اور فضائی میزبان کینیڈا میں مبینہ طور پر لاپتہ ہوگیا، ذرائع کے مطابق لاہور سے ٹورنٹو کی پروازپرتعینات منتظرمہدی نامی فلائٹ اسٹیورڈ جمعرات کوکینیڈاپہنچاتھا،لاپتہ فضائی میزبان نے جمعے کو ٹورنٹوسے لاہور کی پرواز نمبر 798 پر فرائض انجام دینے تھے۔

پروازکے لیے مذکورہ فضائی میزبان نے ہوٹل میں دیگرعملے کے ساتھ رپورٹ نہیں کی،منتظر مہدی سے قبل بھی 4خواتین اورمرد فضائی میزبان مبینہ طورپرسلپ ہوچکے ہیں۔ پہلے سے لاپتہ ہونے والے فضائِی میزبانوں کی پاکستانی شہریت ختم نہیں کرائی گئی۔ دیگر ممالک کی فضائی کمپنیوں کے لاپتہ میزبانوں کی شہریت فوری طور پر منسوخ کی جاتی ہے۔

لاپتہ فضائی میزبانوں کی وطن واپسی پرکارروائی کے لئےایف آئی اے کو کوائف بھی فراہم نہیں کیے گئے، مبینہ طور پر سلپ ہونے والے اپنے قومی شناختی کارڈز کی تجدید بھی آن لائن با آسانی کرا لیتے ہیں،ترجمان پی آئی اے کے مطابق کلیئرنگ بارڈر سکیورٹی(کینیڈا)کوکیبن کریو کے متعلق آگاہ کردیا،اگر سلپ ہونے کا الزام ثابت ہوجاتا ہے،توسخت محکمانہ کارروائی عمل میں لائی جائیگی،جس میں ملازمت سے بے دخلی بھی شامل ہے۔