پوسٹل بیلٹ کے 22 جنوری تک درخواستیں جمع کرائی جاسکتی ہیں، الیکشن کمیشن

عام انتخابات  کے لیے  پوسٹل بیلٹ پیپرزکا اجرا کردیا گیا، ڈاک کے ذریعہ اہل ووٹرز 22 جنوری تک حق رائے دہی استعمال کرسکیں گے۔ پوسٹل بیلٹ کے لیے درخواست فارم الیکشن کمیشن کی ویب سائٹ سےڈاؤن لوڈ کیے جاسکتے ہیں۔

پوسٹل بیلٹ کے لئے درخواست  ڈسٹرکٹ ریٹرننگ افسرکو بھجوائی جائے گی۔جیل کے قیدی اور ذیر حراست ملزمان پوسٹل بیلٹ کے زریعے ووٹ کاسٹ کرسکتے ہیں۔

الیکشن کمیشن ذرائع کا کہنا ہے کہ معذور افراد پولنگ اسٹیشن جائے بغیر ہی اپنا ووٹ کاسٹ کرسکتے ہیں، معذوری والا شناختی کارڈ رکھنے والے افراد کے لئے پوسٹل بیلٹ کی سہولت میسر ہوگی۔

ذرائع الیکشن کمیشن کے مطابق اپنے حلقے سے دور تعینات سرکاری ملازمین بھی پوسٹل بیلٹ کی سہولت حاصل کرسکتے ہیں۔

سرکاری ملازمین، مسلح افواج کے اہلکار،ان کے اہل خانہ کو پوسٹل بیلٹ کی سہولت دی جائے گی۔