اٹک: پب جی کھیلتے ہوئے جھگڑا، 8 ویں جماعت کے طالب علم کو ہم عمر دوست نے قتل کردیا

ویڈیو گیم پب جی، نے ایک اورچراغ گُل کردیا،اٹک کے تھانہ رنگو کی حدود میں 13 سالہ بچے کے قتل کا ڈراپ سین ہو گیا،دوست  ہی قاتل نکلا،پولیس کے مطابق ملزم عبدالوہاب کا مقتول اشعر سے پب جی کھیلتے ہوئے جھگڑا ہواتھا۔

ملزم نے چاقو مار کر  اشعر کو قتل کردیا،مقتول آٹھویں جماعت کا طالبعلم اور 4 بہنوں کا اکلوتا بھائی تھا۔

ڈی پی او اٹک سردار غیاث نے ملزم کو مڈیا کے سامنے پیش کر دیا۔ ڈی پی او اٹک نے بتایا کہ ملزم عبدالوہاب مقتول کا قریبی دوست تھا۔ ملزم نے چھریوں کے وار سے اپنے ہی دوست کی جان لی۔

ڈی پی او سردار غیاث کے مطابق پولیس نے جدید ذرائع کا استعمال کرتے ہوئے ملزم کو قلیل وقت میں گرفتارکیا۔ تھانہ رنگو کی ٹیم مبارکباد کی مستحق ہے۔

ڈی پی او نے کہا کہ غیرمعمولی کارکردگی پرایس ایچ اوتھانہ رنگو کو انعام دیا جائے گا،امن و امان کی صورتحال خراب کرنےوالوں کیخلاف سخت کاروائی کیجائے گی۔