بنی گالہ سب جیل میں بشریٰ بی بی کا طبی معائنہ، تیزابیت اور سینے میں درد کی شکایت تھی

بنی گالا سب جیل میں عمران خان کی اہلیہ بشریٰ بی بی کا طبی معائنہ  کیا گیا۔

ذرائع کے مطابق بشریٰ بی بی کو 22 اپریل کی رات  تیزابیت اور سینے میں درد کی شکایت تھی۔ پمز کے ڈاکٹروں کی ٹیم نے بنی گالہ میں بشری بی بی کا معائنہ کیا۔

ذرائع نے بتایا کہ ڈاکٹروں کی ٹیم نےرات 11 بجے سے لے کر ایک گھنٹے سے زائد تک بشریٰ بی بی کا طبی معائنہ کیا۔

ڈاکٹرز کی ٹیم میں ڈاکٹر بشریٰ لیاقت، ڈاکٹر حرا طاہر، ڈاکٹر سدرہ کارڈیالوجسٹ شامل تھے۔

ذرائع کے مطابق معائنہ کے دوران بشری بی بی کی  خوراک اور روٹین بھی پوچھی گئی۔

ڈاکٹرز نے بشریٰ بی بی کو غذا، طرز زندگی میں تبدیلیوں اور معدے کا جائزہ لینے کا مشورہ دیا۔