پاکستان
چیف جسٹس سب سے زیادہ تنخواہ پانے والے سرکاری عہدیدار، پی اے سی رپورٹ
پارلیمان کی طاقت دکھانے کے لیے سپریم کورٹ کے رجسٹرار کو طلب کیا گیا لیکن رجسٹرار پیش نہ ہوئے، پارلیمان کی پبلک اکاؤنٹس کمیٹی نے صدر، وزیراعظم، وفاقی وزرا اور عدلیہ کے مراعات کا موازنہ جاری کردیا۔
پبلک اکاؤنٹس کمیٹی کے مطابق چیف جسٹس پاکستان تنخواہ وصول کرنے میں پہلے نمبر پر ہیں۔ چیف جسٹس آف پاکستان کی ماہانہ تنخواہ 15 لاکھ 27 ہزار 399 روپے ہے۔ سپریم کورٹ کے ججز کی تنخواہ 14 لاکھ 70 ہزار روپے ہے۔ وزیراعظم کی تنخواہ 2 لاکھ 1 ہزار 574۔ وفاقی وزرا کی تنخواہ 3 لاکھ 38 ہزار جبکہ گریڈ 22 کے افسران کی تنخواہ 5 لاکھ 91 ہزار 475 روپے ہے، اراکین قومی اسمبلی کی تنخواہ 1 لاکھ 88 ہزار روپے ہے