ٹاپ سٹوریز
سینیٹ نے بھی قرض کی حد ختم کرنے کی منظوری دیدی، امریکا ڈیفالٹ سے بچ گیا
دنیا کی بڑی معیشت امریکا کے دیوالیہ ہونے سے چار دن پہلے کانگریس نے قرضے کی حد ختم کرنے کی ڈیل منظور کر کے دنیا کو معاشی بحران سے بچا لیا۔
وں سیاسی جماعتوں کی طرف سے تجویز کردہ بل کو سینٹ میں 63 ووٹ ملے، بل کی مخالفت میں 36 ووٹ آئے۔صدر بائیڈن اس بل پر دستخط کر کے اسے قانون بنادیں گے، اس سے پہلے ایوان نمائندگان سے یہ بل منظور ہوچکا ہے۔
صدر بائیڈن کے دستخط سے امریکا 31.4 ٹریلین ڈالرز کے قرض پر خوفناک ڈیفالٹ سے بچ جائے گا، کیونکہ یہ اندازہ لگایا گیا تھا کہ پانچ جون کو امریکا ادائیگیوں کے قابل نہیں رہے گا،
ڈیفالٹ کی صورت میں امریکی حکومت مزید قرض کے حصول کے قابل نہ رہتی، امریکا کے ڈیفالٹ کی صورت میں دیگر ملکوں پر بھی شدید برے معاشی اثرات مرتب ہونا تھے۔
سینیٹ میں قرض کی حد ختم کرنے کے بل کے حق میں 44 ڈیموکریٹس اور 17 ری پبلکنز نے ووٹ دئیے جبکہ دو آزاد سینیٹرز نے بھی بل کے حق میں ووٹ ڈالے۔
بل کی منظوری کے لیے 100 رکنی سینیٹ میں 60 ووٹ درکار تھے، ڈیموکریٹس کو سینیٹ میں معمولی برتری حاصل ہے۔
چار ڈیموکریٹس نے بھی بل کی مخالفت کی، چاروں سینیٹز بائیں بازو سے تعلق رکھتے ہیں، ان سینیٹرز میں برنی سینڈرز، جان فیٹرمین اور الزبتھ وارن شامل تھے۔
سینیٹرز نے اس مجوزہ مسودے میں پہلے 11 ترامیم پیش کیں جو تمام مسترد کر دی گئیں،جس سے بل پر حتمی ووٹ کی راہ ہموار ہوگئی۔ ان ترامیم میں سے ایک بھی ترمیم کر لی جاتی تو سارا بل واپس ایوان نمائندگان بھجوانا پڑتا، جس سے بل کی منظوری اور ڈیفالٹ سے بچنا کھٹائی میں پڑ سکتا تھا۔
سینیٹ میں اکثریتی لیڈر ڈیموکریٹ سینیٹر چک شومر نے کہا کہ امریکی اب سکھ کا سانس لے سکتے ہیں کیونکہ ہم نے ڈیفالٹ کے خطرے کو ٹال دیا ہے۔
سینیٹ میں دونوں جماعتوں کے اتفاق رائے کا غیرمعمولی مظاہرہ نظر آیا اور ری پبلکن کے لیڈر آف دی ہاؤس مچ میک کونل نے کہا کہ وہ اس بل کو بلاتاخیر منظور کرانے پر فخر محسوس کریں گے۔
-
کھیل10 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل12 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان5 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی