Urdu Chronicle

Urdu Chronicle

ٹاپ سٹوریز

افغان سرزمین پر سازشیں تیار ہو رہی ہیں، افغانستان مطلوب دہشتگرد ہمارے حوالے کرے، جان اچکزئی

Published

on

نگران وزیراطلاعات بلوچستان جان اچکزئی نے کہا ہے کہ افغانستان مطلوب دہشت گردوں کو پاکستان کے حوالے کرے، غیر قانونی غیر ملکی افراد کی واپسی کا فیصلہ اٹل ہے،افغان سرزمین پرایک بار پھرپاکستان کیخلاف سازشیں تیار کی جارہی ہیں۔

کوئٹہ میں پریس بریفنگ میں نگران وزیراطلاعات جان اچکزئی نے کہا کہ پاکستان دنیا میں ہر قسم کی دہشت گردی کی مذمت کرتا ہے،ہمارے بھائی چارے کوہماری کمزوری نہ سمجھا جائے،غیر قانونی غیر ملکی افراد کی واپسی کا فیصلہ اٹل ہے۔

نگران وزیراطلاعات بلوچستان جان اچکزئی نے کہا کہ افغان سرزمین پرایک بار پھرپاکستان کیخلاف سازشیں تیار کی جارہی ہیں،افغانستان اپنی سرزمین پر موجود دہشت گردوں کیخلاف کارروائی نہیں کررہا،افغانستان میں خانہ جنگی ختم ہوچکی،تارکین وطن کو واپس جانا ہوگا۔

نگران وزیراطلاعات بلوچستان نے کہا کہ افغان حکومت تارکین وطن کی باعزت آبادکاری کو یقینی بنائے،حکومت پاکستان تارکین وطن کو سہولتیں فراہم کررہی ہے،ژوب سے متصل افغان علاقے میں تخریب کاری کا منصوبہ بنایا گیا۔

جان اچکزئی نے کہا کہ انٹیلی جنس اطلاع ہے پاکستان میں تخریب کاری کا منصوبہ بنایا گیا ہے،افغانستان میں دہشت گردوں کے ٹھکانوں کی تفصیل افغان حکومت سے شیئر کی گئی،بدقسمتی سے افغان حکومت کی طرف سے کوئی کارروائی نہیں ہوئی۔

پچیس سال سے شعبہ صحافت سے منسلک ہیں، اردو کرانیکل کے ایڈیٹر ہیں، اس سے پہلے مختلف اخبارات اور ٹی وی چینلز سے مختلف حیثیتوں سے منسلک رہے، خبریں گروپ میں جوائنٹ ایڈیٹر رہے، ملکی اور بین الاقوامی سیاست میں دلچسپی رکھتے ہیں، ادب اور تاریخ سے بھی شغف ہے۔

Continue Reading
Click to comment

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

مقبول ترین