بھارتی گجرات کے ساحل پرسمندری طوفان کا لینڈ فال شروع، نصف شب تک جاری رہے گا

بحیرہ عرب میں بننے والے سمندری طوفان بائپرجوئے کا بھارتی گجرات کے ساحل اورپاک بھارت سرحدی علاقے میں لینڈ فال شروع ہوگیا،لینڈفال کا عمل آدھی رات تک مکمل ہوگا

محکمہ موسمایت کی جانب سے جاری 26ویں الرٹ کے مطابق بحیرہ عرب میں بننے والے انتہائی شدید نوعیت کے سمندری طوفان بائپرجوئے کا لینڈ فال(ٹکراو)بھارتی گجرات کے ساحل اورپاک بھارت سرحدی علاقے میں شروع ہوگیا،لینڈفال کا یہ سلسلہ رات گئے تک جاری رہےگا،اس دوران 140کلومیٹرفی گھنٹہ کی رفتارسے تندوتیزہوائیں چل سکتی ہیں جبکہ سمندرمیں طغیانی کے سبب لہروں کی بلندی غیرمعمولی طورپر 20سے25فٹ تک بلند ہوسکتی ہیں،محکمہ موسمیات کے مطابق پچھلے 3گھنٹوں کے دوران مزید شمال مشرق کی جانب بڑھ گیا،کراچی سے طوفان کا فاصلہ 245کلومیٹراورٹھٹھ سے200کلومیٹرکے لگ بھگ ہے۔