پاکستان
پنجاب سے زرعی اجناس کی سمگلنگ روکنے کے لیے 15 جوائنٹ چیک پوسٹس قائم کرنے کا فیصلہ
پنجاب میں زرعی اجناس اور دیگر اشیاء کی سمگلنگ روکنے کیلئے 15 جوائنٹ چیک پوسٹوں کے قیام کا فیصلہ کیاگیا ہے،اٹک، میانوالی، بھکر ،ڈیرہ غازی خان، راجن پور، رحیم یار خان اور کوٹ ادو میں چیک پوسٹیں قائم کی جائیں گی۔
محکمہ داخلہ پنجاب، محکمہ مواصلات و تعمیرات اور پولیس افسران نے جوائنٹ چیک پوسٹوں کے قیام کے حوالے سے سفارشات پیش کی تھیں،وفاقی وزارت داخلہ کی جانب سے رواں سال چیک پوسٹوں کی منظوری دی گئی تھی۔
بین الصوبائی جوائنٹ چیک پوسٹوں کے قیام کی لاگت کا تخمینہ 3 ارب 52 کروڑ 20 لاکھ روپے لگایا گیا ہے، جوائنٹ چیک پوسٹوں کے قیام سے گندم، چاول، یوریا سمیت دیگر اشیاء کی سمگلنگ روکنے میں مدد ملے گی۔
رواں مالی سال میں 14 جوائنٹ چیک پوسٹوں کے قیام کیلئے 50 کروڑ روپے مختص کئے گئے ہیں۔
جوائنٹ چیک پوسٹوں کے قیام کیلئے متعلقہ اضلاع کے ڈپٹی کمشنرز نے اضلاع کا دورہ کیا۔