ہاؤسنگ سوسائٹی فراڈ کیس میں فواد چوہدری ایک روزہ راہداری ریمانڈ پر اینٹی کرپشن پنجاب کے حوالے

ڈسٹرکٹ اینڈ سیشن کورٹس اسلام آباد نے اینٹی کرپشن پنجاب کے کیس میں فواد چوہدری کو ایک روزہ راہداری ریمانڈ پر اینٹی کرپشن حکام کے حوالے کردیا۔

جوڈیشل مجسٹریٹ قاضی ماجد نے محفوظ فیصلہ سنایا۔ عدالت کاحکم   ہے کہ فواد چودھری کو متعلقہ عدالت پیش کیاجائے۔

سابق وزیر اطلاعات فواد چوہدری کیخلاف پرائیویٹ ہاؤسنگ سوسائٹی فراڈ پر راولپنڈی تھانہ اینٹی کرپشن میں مقدمہ درج کیا گیا ہے۔

فواد چوہدری کو جسمانی ریمانڈ کیلئے راولپنڈی کی عدالت پیش کیا گیا۔

فواد چوہدری پر ہاؤسنگ سکیم کی منظوری، اراضی این او سی کیلئے کروڑوں روپے وصولی کا الزام ہے۔ اینٹی کرپشن حکام کے مطابق فواد چوہدری نے بطور وزیر اختیارات کے ناجائز استعمال سے کروڑوں روپے کا فراڈ کیا۔سابق وفاقی وزیر نے کزن فرنٹ مین فوق شیراز کے ذریعے کروڑوں روپے وصول کئے۔