آسٹریلوی ٹیم میں اردو جاننے والے کھلاڑی کی موجودگی سے حسن علی کو پریشانی

پاکستان کرکٹ ٹیم کے فاسٹ بولر حسن علی نے کہا ہے کہ آسٹریلیا کے خلاف ٹیسٹ سیریز میں آسٹریلوی کرکٹر عثمان خواجہ سے محتاط رہیں گے۔

حسن علی نے کہا ہے کہ عثمان خواجہ کراچی ٹیسٹ میں ہماری آن فیلڈ پلاننگ اپنی ٹیم کو بتاتے رہے، وہ اردو جانتے ہیں، ان کے سامنے کوئی حکمتِ عملی ڈسکس نہیں کریں گے۔

انہوں نے کہا کہ جنوبی ایشیائی ٹیموں کے لیے دورۂ آسٹریلیا ہمیشہ سے مشکل رہا ہے۔

حسن علی نے کہا کہ آسٹریلیا کے موجودہ اسکواڈ میں سب سے بہترین بولر پیٹ کمنز ہیں، آسٹریلوی کپتان تینوں فارمیٹ کے خطرناک بولر ہیں۔

حسن علی نے مزید کہا کہ شاہین شاہ آفریدی بھی نئی اور پرانی گیند کرنے کا فن جانتے ہیں۔