پاکستان سٹیل ملز کے مستقبل کے تعین کے لیے اعلیٰ سطح کی کمیٹی قائم

پاکستان اسٹیل ملز کا مستقبل کیا ہوگا؟ اعلی سطح کی کمیٹی قائم کردی گئی۔کمیٹی ایس آئی ایف سی کی ہدایت پر وفاقی وزارت صنعت و پیداوار نے قائم کی۔

وزارت صنعت و پیداوار کے نوٹیفکیشن کے مطابق 8 رکنی کمیٹی کے چیئرمین وفاقی سیکرٹری صنعت و پیداوار ہوں گے،کمیٹی اسٹیل ملز کارپوریشن کو بند کرکے پلانٹ اور آلات کی نیلامی کا جائزہ لے گی۔

کمیٹی پاکستان اسٹیل کو نجی شعبے کی شراکت سے دوبارہ فعال کرنے کے آپشن کا بھی جائزہ لے گی۔ کمیٹی اسٹیل ملز کارپوریشن کو بند کرکے پلانٹ اور آلات کی نیلامی کا جائزہ لے گی۔

کمیٹی ممبران میں ایڈیشنل سیکرٹری صنعت و پیداوار اور سینئر ممبر بورڈ آف ریوینیو سندھ،جائنٹ سیکرٹری فنانس, سی ای او پی آئی ڈی سی اور ورکرز یونین اسٹیل ملز کا نمائندہ بھی کمیٹی کے ممبرز ہوں گے۔

کمیٹی میں اسٹیل ملز کے دو آزاد بورڈ ارکان، ڈائریکٹر ٹیکنیکل اور کارپوریٹ سیکریٹری بھی شامل ہیں۔