درخواست کروں گا فنکار قیدیوں کی سزائیں کم کی جائیں، انور مقصود قیدیوں کے فن پاروں دیکھ کر خوش

معروف دانشوروادیب انورمقصود نے آرٹس کونسل آف پاکستان میں جاری قیدیوں کے فن پاروں پرمبنی نمائش کا دورہ کیا اور فن پاروں کو سراہتے ہوئے کہا کہ درخواست کرونگا کہ ان فنکارقیدیوں کی سزاوں میں کمی کی جائے۔

سینٹرل جیل میں پھانسی سمیت دیگرسزاؤں کے قیدیوں کی بنائی گئی پینٹنگزکی نمائش کے دورے کے موقع پرانورمقصود کا کہنا تھا کہ نمائش میں رکھی گئی تصاویرکودیکھ کرذاتی طورپربہت زیادہ متاثرہواہوں،بہت ہی خوبصورت تصاویرہیں۔

انور مقصود نے کہا کہ ان قیدیوں میں بہت سے فنکارایسے ہیں،جن کو موت کی سزائےہوچکی ہیں جبکہ کچھ عمرقید کے قیدی ہیں،جنھوں نے فن کا شاندارمظاہرہ کیا ہے۔

انور مقصود نے کہا کہ ان تصاویرکو دیکھ کرمیں درخواست کرونگا کہ ان قیدیوں کی سزاؤں میں کمی کی جائے،قیدیوں کی خطاطی بھی لاجواب ہے۔

انورمقصود کا مزید کہناتھا کہ بہت دنوں بعد ایسی نمائش دیکھ کرجی خوش ہوا،میرا دل چاہ رہاہے کہ ان قیدیوں سے ملوں،میں ان سب کو مبارکباد دیتا ہوں ۔