آئی ایم ایف پاکستان کے لیے نئے بیل آؤٹ پیکج پر رضامند

آئی ایم ایف نے پاکستان کی جانب سے نئے بیل آؤٹ پیکیج  کی درخواست پر رضا مندی کا اظہار کیا ہے ، ڈائریکٹر عالمی مالیاتی فنڈ کاکہناہے کہ زرمبادلہ  ذخائر میں بہتری اور ترقی کے امکانات ہیں، نئے پروگرام کا مقصد چند اہم معاشی چیلنجز سےنمٹنے میں مدد دینا ہے۔

آئی ایم ایف کے ڈائریکٹر جہاد ازعور نے کہا کہ حالیہ قرض پروگرام نے پاکستان کو معاشی استحکام کا موقع دیا۔ پاکستانی معیشت کا آخری جائزہ کامیاب رہا۔

جہاد ازعور کا کہنا ہے کہ ذرمبادلہ زخائر میں بہتری اورترقی کے امکانات بھی بہترہوئے ہیں۔ پاکستان کے دوطرفہ شراکت دار بھی اضافی مالی مدد فراہم کرنےکے منتظر ہیں۔

جہاد ازعور نے کہا کہ توانائی کےشعبےمیں اصلاحات ایک اہم ضرورت اورترجیح ہے۔ نجی شعبے اور برآمدات کی طرف زیادہ توجہ دینا ہوگی۔