پاکستان
عمران خان کو شامل تفتیش ہونے کا حکم، جمعہ دو پہر 2 بجے کا وقت مقرر
سابق وزیراعظم عمران خان کے خلاف درج مقدمات پر کارروائی روکنے اور مقدمات کی تفصیل حاصل کرنے کے کیس کی سماعت لاہور ہائیکورٹ کے 5 رکنی بنچ نے کی۔ بنچ کی سربراہی جسٹس علی باقر نجفی نے کی۔
عدالت عالیہ نے عمران خان کو جمعہ کے روز دوپہر دو بجے شامل تفتیش ہونے کا حکم دے دیا۔ اس سے پہلے عدالت میں عمران خان کے خلاف ملک بھر میں درج مقدمات کی تفصیل پیش کی گئی۔
عمران خان نے اس موقع پر عدالت سے درخواست کی کہ پولیس کو ہدایت کی جائے کہ وہ گیٹ توڑ کر گھر میں داخل نہ ہو۔ جمعہ کو شامل تفتیش ہو جائیں گے۔
عدالت نے ہدایت کی کہ تفتیش مکمل کر کے 8 مئی کو رپورٹ جمع کرائی جائے۔ اس کیس کی مزید سماعت پیر کے روز تک ملتوی کردی گئی۔