عمران خان کی ٹانگ کی تکلیف بڑھ گئی، آپریشن کی ضرورت پڑ سکتی ہے، میڈیکل بورڈ

چیئرمین تحریک انصاف کی متاثرہ ٹانگ میں سوجن کے باعث شوکت خانم ہسپتال کے میڈیکل بورڈ نے مکمل آرام کا مشورہ دے دیا ہے۔ تفصیلات کے مطابق گزشتہ روز لاہور ہائیکورٹ میں پیشی کے دوران ہونے والی دھکم پیل کی بنا پر عمران خان کی ٹانگ میں تکلیف شروع ہوئی جس پررات شوکت خانم سے چیک اپ کروایا گیا۔ ذرائع کے مطابق میڈیکل بورڈ کا یہ بھی کہنا ہے کہ اگر سوجن کی بنا پر انفیکشن دوبارہ ہوا تو آپریشن کرنا پڑ سکتا ہے۔

یاد رہے کہ وزیر آباد میں ہونے والے قاتلانہ حملے میں چیئرمین تحریک انصاف عمران خان کی ٹانگ میں گولی لگی تھی۔ دوسری جانب سینئر رہنما پی ٹی آئی شبلی فراز نے ٹویٹر پر پیغام جاری کرتے ہوئے کہا کہ ‏حکومت کی طرف سے سیکیورٹی کی عدم فراہمی کی وجہ سے پیدا ھونے والی دھکم پیل سے عمران خان کی ٹانگ دوبارہ زخمی ہوئی۔ صحتیاب ہونے پر عمران خان دوبارہ سے سیاسی بنیادوں پر قائم مقدمات کا سامنا کریں گے

حکومت کی طرف سے سیکیورٹی کی عدم فراہمی کی وجہ سے پیدا ھونے والی دہکم پیل سے کل لاھور ہائی کورٹ میں عمران خان کی ٹانگ دوبارہ زخمی ھو گئی۔ڈاکٹرز نے ۱۰روز آرام کا مشورہ دیا۔صحتیاب ھونے پر دوبارہ سیاسی بنیاد پر قائم شدہ مقدمات کا سامنا کریں گے۔خان صاحب عدالتوں کا احترام کرتے ہیں ۔

— Senator Shibli Faraz (@shiblifaraz) May 3, 2023

ادھر سینئر نائب صدر اور چیف آرگنائزر مسلم لیگ ن مریم نواز شریف نے ٹویٹر پیغام جاری کرتے ہوئے کہا کہ کیا ٹانگ پر دباؤ ریلی میں شرکت کرنے سے نہیں آتا یا صرف عدالت میں پیش ہونے پر آتا ہے۔

ٹانگ پر دباؤ ریلی میں شرکت کرنے سے نہیں آتا ؟ یا صرف عدالت میں پیش ہونے سے آتا ہے؟ pic.twitter.com/R1EXEGb7Be

— Maryam Nawaz Sharif (@MaryamNSharif) May 3, 2023