پاکستان
حج آپریشن کی تیاریاں، بڑے ایئرپورٹس پر بیگج سکین مشینیں لگائی جائیں گی
سول ایوی ایشن اتھارٹی نے حج فلائٹ آپریشن سے قبل تیاریاں شروع کردیں۔
سعودی عرب جانیوالی پروازوں کے مسافروں کی مکمل جانچ پڑتال ہوگی، ایئرپورٹ پر سرچنگ کے لیے جدید اسٹیٹ آف آرٹ مشینیں درآمد کی جائینگی۔
10جدید بیگیجز اسکیننگ مشینیں ملک کے مختلف ایئرپورٹس پر نصب ہوں گی۔
قبل از حج آپریشن میں سعودی عرب جانیوالے عازمین اور دیگر مسافروں کا سامان جدید مشینوں کے ذریعے اسکین کیا جائیگا، اس حوالے سے سول ایوی ایشن اتھارٹی نے سعودی حکومت سے رابطہ کیاہے۔
جدید مشینیں کراچی،اسلام آباد اور لاہور ایئرپورٹس پر نصب کی جائینگی،مشینیں ایئرپورٹ پر جوائنٹ وینچر کے تحت آپریٹ ہوں گی۔
اس جوائنٹ وینچر میں سی اے اے،اے ایس ایف،کسٹم اوردیگر ادارے شامل ہوں گے، جدید بیگیجز مشینیں مسافروں کے سامان کے ساتھ ساتھ جہاز کیلئے نقصاندہ آلات اور بارودی مواد کو جانچنے کی صلاحیتیں بھی رکھتی ہیں۔