دنیا
عراقی فوجی تنصیبات پر امریکا کے غیر ذمہ دارانہ حملے کشیدگی کا باعث بنیں گے، عراقی وزیراعظم
عراقی وزیر اعظم کے دفتر نے بدھ کو ایک بیان میں کہا کہ عراقی فوجی ٹھکانوں پر امریکہ کے حملے “غیر ذمہ دارانہ کشیدگی” اور ملک کی خودمختاری کی خلاف ورزی کا باعث بنیں گے۔
پینٹاگون نے کہا کہ امریکہ نے منگل کے روز ایران کی حمایت یافتہ ملیشیا سے منسلک تین تنصیبات پر حملے کئے۔ عراقی حکومت کے بیان میں مزید کہا گیا ہے کہ عراق ان کارروائیوں کو “جارحانہ کارروائیاں” سمجھے گا جو برسوں کے تعاون کو نقصان پہنچاتے ہیں۔
امریکی وزیر دفاع لائیڈ آسٹن نے ایک بیان میں کہا، ’’یہ درست حملے عراق اور شام میں امریکی اور اتحادی افواج کے خلاف ایرانی سپانسر ملیشیاؤں کے حملوں کے براہ راست جواب میں ہیں۔‘‘
کتائب حزب اللہ کے فوجی ترجمان جعفر الحسینی نے ایکس پر ایک پوسٹ میں کہا کہ یہ گروپ غزہ میں اسرائیل کا محاصرہ ختم ہونے تک “دشمنوں کے ٹھکانوں” کو نشانہ بنانا جاری رکھے گا۔