لاہور: ڈیفنس میں ہوٹل کی کھڑکی سے گر کر لڑکی ہلاک، خودکشی یا قتل؟ تفتیش شروع

جھگڑے  کے بعد خود کشی یاوجہ کوئی اور؟لاہور میں ڈیفنس کے علاقے  کے نجی ہوٹل کی کھڑکی سے  لڑکی گر کر ہلاک ہوگئی۔

لڑکی کئی منٹ تک  بالائی منزل سے لٹکی رہی جبکہ لڑکا بچانے کی کوشش کرتا رہا۔ کمرے کی بالکونی سے لٹکتے ہوئی لڑکی نے واپس چڑھنے کی بھی کوشش کی ، گرفت ڈھیلی پڑنے پر لڑکی  گر کر ہلاک ہوگئی، مبینہ خود کشی کرنے والی لڑکی کی شناخت نہیں ہو سکی۔

پولیس حکام نے موقع پر پہنچ کر تفتیش شروع کردی، پولیس نے لڑکی کے کمرے سے ایک شخص کو حراست میں لے لیا۔

پولیس ذرائع کا کہنا ہے کہ حراست میں لیا گیا شخص نشے میں دھت تھا، اس سے تفتیش شروع کردی گئی ہے۔ابتدائی تفتیش کے بعد لاش مردہ خانے منتقل کی جائے گی۔