اداکارہ مدیحہ امام رشتہ ازدواج میں منسلک ہو گئیں

پاکستان شوبز انڈسٹری سے وابستہ خوب صورت اداکارہ اور میزبان مدیحہ امام نے پروڈیوسر موجی بسر سے شادی کا اعلان کردیا۔

فوٹو اینڈ ویڈیو شیئرنگ پلیٹ فارم انسٹا گرام پر سابقہ تمام پوسٹ ڈیلیٹ کرنے کے بعد نئی پوسٹ شیئرکرتے ہوئے اداکارہ نے بین الاقوامی فلمی دنیا سے وابستہ پروڈیوسر اور رائٹر موجی بسر سے شادی کا اعلان کیا اور تصاویر بھی شیئر کردیں۔

اداکارہ کی جانب سے شیئر کی گئی تصاویر میں دیکھا جاسکتا ہے کہ انہوں نے اپنے اس اہم دن کے لئے روایتی سرخ رنگ کے جوڑے کا انتخاب کیا،جسے پاکستانی ڈیزائنر زارا شاہ جہاں نے تیار کیا ہے۔

موجی بسر ہلکے سفید رنگ کے کرتا پائجامہ میں نظر آئے۔اداکارہ نے تصاویر شیئر کرتے ہوئے بتایا کہ انہوں نے رواں سال یکم مئی کو شادی کی ، انہوں نے اپنے فیز سے درخواست کی کہ انہیں دعاؤں میں یاد رکھیں۔گزشتہ شب شادی کی تصاویر کے بعد اب ان کے ولیمے کی تصاویر بھی سامنے آگئی ہیں۔