کھیل
مانچسٹر سٹی کے منیجر پیپ گارڈیولا کا منفرداعزاز
مانچسٹر سٹی کی ریال میڈرڈ کے خلاف فتح کے بعد مانچسٹر سٹی کے منیجر پیپ گارڈیولا نے چیمپئن لیگ میں ریکارڈ بنا ڈالا۔
پیپ گارڈیولا چیمپئن لیگ میں بطور منیجر 100 میچ جیت کر چیمپئن لیگ میں 100 میچوں میں جیت حاصل کرنے والے دنیائے فٹبال کے تیسرے منیجر بن گئےہیں۔
مانچسٹر یونائیٹڈ کے سابق کوچ سر ایلکس فرگسن 102 جبکہ ریال میڈرڈ کے منیجر کارلو انکلوٹی 107 میچوں میں بطور منیجر جیت حاصل کر کے پہلے نمبر پر ہیں۔
واضح رہے کہ پیپ گارڈیولا اپنی منفرد کوچنگ صلاحیت کی بدولت مانچسٹر سٹی کو ایک مضبوط ٹیم بنا چکے ہیں اور پریمئر لیگ میں بھی سٹی کی حکمرانی قائم ہے،مانچسٹر سٹی نے ریال میڈرڈ کو یوئیفا چیمپئن لیگ کے سیمی فائنل میں 1-5 سے شکست دے کر فائنل کیلئے بھی کوالیفائی کر لیا ہے۔